కన్నడ స్టార్ పునీత్ రాజ్‌కుమార్ మరణం శాండల్‌వుడ్‌ ఇండస్ట్రీకి తీరని లోటు. ఆకస్మిక మరణం వల్ల ఆయన ఒప్పుకొన్న అనేక ప్రాజెక్టులు అర్ధాంతరంగా నిలిచిపోయాయి. ఇక ఆయన నటించిన చివరి సినిమా ‘జేమ్స్’. అందుకే ఈ చిత్రంపై భారీ అంచనాలున్నాయి.
చేతన్ కుమార్ డైరెక్షన్లో రూపుదిద్దుకుంటున్న ఈ మూవీ లాస్ట్ స్టేజ్ లో ఉండగా… పునీత్ రాజ్‌కుమార్ తిరిగిరాని లోకాలకి వెళ్లిపోయారు. దీంతో ఈ సినిమా సగంలో నిలిచిపోయింది. అయితే, అభిమానులని శ్యాటిస్ఫై చేయటం కోసం పునీత్ బర్త్ డే కానుకగా మార్చి 27న జేమ్స్ సినిమా ప్రేక్షకుల ముందుకు తీసుకు రానున్నారు చిత్ర యూనిట్.
అయితే, ఈ మూవీ పునీత్ నటించిన లాస్ట్ మూవీ కావటంతో ఈ మూవీ డ్రోన్ షూట్ వీడియో ఇప్పుడు వైరల్‌గా మారింది. ఈ వీడియోలో పునీత్ వాటర్ ఫాల్స్ దగ్గర నిలబడి ఉన్నారు. ఈ సన్నివేశాలను డ్రోన్ తో షూట్ చేశారు ఫిలిం యూనిట్. ఈ వీడియో సోషల్ మీడియాలో పోస్ట్ చేశారు. ఇప్పుడది వైరల్ అవుతోంది. ఈ వీడియో చుసిన అభిమానులంతా ‘మిస్ యూ అప్పు’ అంటూ కామెంట్లు చేస్తున్నారు.