నాగ్ హీరోగా నటిస్తున్న పవర్ఫుల్ యాక్షన్ మోడ్ ‘ది ఘోస్ట్‌’. ప్రవీణ్‌ సత్తారు దర్శకత్వంలో తెరకెక్కిన ఈ మూవీలో సోనాల్‌ చౌహాన్‌ కథానాయికగా నటించింది. ఆల్రెడీ రిలీజ్‌ అయిన ఫస్ట్‌లుక్‌ పోస్టర్‌, టీజర్‌కు అభిమానుల్లో మంచి స్పందన లభించింది. ఇప్పుడు తాజాగా ట్రైలర్ కూడా వదిలారు. ఈ ట్రైలర్ లో మాస్ యాక్షన్‌లో కింగ్ నాగ్ అదరగొట్టేశాడు. అది చూసి ఫాన్స్‌ ఫిదా అవుతున్నారు.
ఈ సినిమా ట్రైలర్ ప్రేక్షకులను ఆద్యంతం ఆకట్టుకునేలా ఉంది. ఇందులో కీలకమైన సన్నివేశాలన్నీ దాదాపుగా చూపించేశారు. ‘డబ్బు, సక్సెస్‌ అనేది సంతోషం కంటే శత్రువులను ఎక్కువ సంపాదిస్తుంది’ అన‍్న డైలాగ్ మూవీకే హైలైట్ గా నిలిచింది. దీంతో అంచనాలు పెరిగిపోయాయి. ఇకపోతే ఈ సినిమా దసరా కానుకగా అక్టోబర్‌ 5న థియేటర్లలో విడుదల కానుంది.