పసిపిల్లలు ఆవు పాలు తాగడమో… గేదె పాలు తాగడమో… మేక పాలు తాగడమో… లేదంటే గాడిద పాలు తాగడమో… చూస్తుంటాం. అంతేకానీ, ఏనుగు పాలు తాగటం ఎప్పుడైనా చూశారా..!
కానీ, ఓ చిన్నారి ఏకంగా ఏనుగు పాలే తాగేస్తోంది. అదికూడా ఏనుగు కిందకి దూరి… దాని పొదుగు నొక్కుతూ… పాలు తాగేస్తోంది.
అస్సాంలోని గోలాఘాట్ జిల్లాకి చెందిన హర్షిత బోరా అనే 3 ఏళ్ల చిన్నారి ఏనుగుతో ఆడుకుంటూ… ఆకలేసినప్పుడు దాని పాలు పితుక్కొని తాగేస్తోంది. అయితే ఆ ఏనుగు వారి పెంపుడు ఏనుగు. మావటి కుటుంబానికి చెందిన ఆ చిన్నారికి మొదటినుంచీ ఆ ఏనుగుతో ఆడుకోవటం అలవాటే! అందుకే ఏనుగు కూడా పాలు తాగుతుంటే కాదనకుండా తన బిడ్డకి ఇస్తున్నట్లే అనుకొని ఆ చిన్నారికి కూడా పాలిస్తోంది.